Su Comuni bolit assinnai contributus po sa pràtica sportiva po s’annu 2019 – Stasoni Sportiva 2019/2020 po totu is Soziedadis Sportivas chi pràticant in su Comunu de Crabas e iscritas in s’Albu Comunali de Crabas.
RECHISIUS
· Fai atividadi in su Comuni de Crabas
· Ai pagau comenti si depit is cànonis po impreai is impiantus sportivus comunalis po s’annu 2018, est a nai po sa stasoni sportiva 2018/2019
· Non pigai àteru contributu sportivu de àterus entis po is iscritus a is garas chi funt in su certificau o elencu chi lassat sa Federatzioni.
TEMPUS E MANERAS DE INTREGAI
Is dimandas s’ant a depi inderetai a su Comuni de Crabas, P.tza Eleonora n. 1 - Crabas e ant a depi arribai a s’ufìtziu protocollu de su Comuni de Crabas, aintru de sa ora de sa 1:00 de meigama de su 29.01.2020, pena su de abarrai a foras, finas cun pec a s’indiritzu protocollo@pec.comune.cabras.or.it.
CALI FUNT IS DOCUMENTUS DE AUNIRI A SA DIMANDA
A sa dimanda de cuncessioni de su contributu s’at a depi auniri totu custus documentus:
· bilànciu consuntivu ùrtimu stasoni (2018 est a nai 2018/2019);
· bilàncio preventivu stasoni chi megat de si fai (2019 est a nai 2019/2020);
· relata asuba de s’atividadi programmada po s’annu 2019, est a nai 2019/2020;
· atestau de afiliatzioni annu 2018, est a nai stasoni sportiva 2018/2019, chi lassat una Federatzioni o Enti de promotzioni sportiva chi su C.O.N.I. arreconnoscit;
· atestau de afiliatzioni annu 2019, est a nai stasoni sportiva 2019/2020, chi lassat una Federatzioni o Enti de promotzioni sportiva chi su C.O.N.I. arreconnoscit;
· atestau de iscritzioni a campionaus federalis annu 2018, est a nai stasoni sportiva 2018/2019;
· atestatzioni de pagamentu iscritzioni e tassas arbitralis po campionaus federalis annu 2018, est a nai stasoni sportiva 2018/2019;
· elencu de is iscritus chi funt residendi in su Comuni de Crabas finas a 18 annus de edadi chi fiant impenniaus in garas o cumpetzionis in s’annu 2018 – est a nai stasoni sportiva 2018/2019, chi lassat sa Federazione.