Est su tìtulu de su vìdeu nou informativu in s'àmbitu de su progetu "Diabete e Sport 3.0" chi fait a castiai in s'arretza.
Carlo Loddo, classi 1953 cun diabete de tipu 2, visu-presidenti de s'Assòtziu Aniad Sardigna e ghia, mancu nau si bolit, de una surra de atividadis comenti a "Diabete in cammino...prevenire e curare", "I camminatori delle 7", po ndi sciri de prus tocat a abisitai sa pàgina: www.aniadsardegna.it/index.php/iniziative/diabete-in-cammino-prevenire-e-curare.
Unu "grande #camminatore" e connoscidori de su territòriu Aristanesu nostu, at a essi unu praxeri a ddu ascurtai.
“Diabete e Sport 3.0” est su progetu chi est incurendi s'Aniad Sardigna (Assòtziu Natzionali Italiana Atletas Diabèticus) e su Servìtziu de Diabetologia e maladias metabòlicas de sa Assl de Aristanis, cun su patrocìniu de sa Regioni Autònoma de Sardigna, de s'Assòtziu Mèigus Diabetòlogus Sardigna (AMD Sardigna) e de sa Sotziedadi Italiana de Diabetologia (SID) e Diabeti Itàlia.
S'Assessori a su sport de su Comuni de Aristanis Maria Bonaria Zedda, arreconnoscendi s'importu sotziali de s'initziativa, ddu at cumpartziu e ddu favoressit ospitendi e veiculendi cun su situ istitutzionali is 16 vìdeus informativus asuba de su tema de su sport comenti a aina de preventzioni e de gestioni de su diabeti, po totu sa genti, e in mesu a totu po is chi funt fertus de maladia, chi disìgiant de s'acostai a sa pràtica de s'atividadi motòria.