Cun is cursus de tres annus de istrutzioni e formatzioni professionali (IeFP) chi ant progetau I.FO.L.D. e ESEN imparas unu mestieri logrendi cunsensu in su mercau de su traballu e acumpris s'òbrigu de istrutzioni chi su sistema educativu in vigori in Itàlia ponit in contu.
Apustis de is tres annus as a pigai un'atestau de calìfica professionali arreconnotu a livellu natzionali e europeu cun chi as a podi intrai a su mundu de su traballu. E, decidendi de sighiri is stùdius apustis de ai fatu su cursu, as a podi frecuentai su de cuatru annus e lograi su diploma.
Scebera su cursu nostu po Operadori de su benèssiri - Frunimentu de tratamentu de aconciadura (sea de Aristanis/Silì: nci at 18 postus a disponimentu). Sa formatzioni dda coofinàntziat su MIUR e su POR 2014-2020, po tanti a frecuentai su cursu est a indonu.
Si non ses residendi in Aristanis as a teni s'arrembursu de spesas de su biaxi po ddu frecuentai. Is lìburus de testu, is dispensas, totu is ainas didàticas, s'arroba de bistiri professionali e s'inserimentu me in is siendas po fai sa A.F.L. ("Alternanza Formazione Lavoro") ddus finàntziat su progetu.
Po t'iscriri: bai a su portali de SIL Sardigna, a s'indiritzu: http://www.sardegnalavoro.it, de sa ora de is 10:00 de mangianu de su 28 de cabudanni de su 2020 e finas a sa ora de is 6:00 de merii de su 19 de su mesi de ladàmini de su 2020.