INVITU A PIGAI SA FUNTZIONI DE SCRUTADORIS PO S’ELETZIONI DERETA DE SU SÌNDIGU E DE SU CONSILLU COMUNALI
DE DOMIGU 25 E LUNIS 26 DE SU MESI DE LADÀMINI DE SU 2020
- SU SÌNDIGU,
BIUS s’art. 3, de sa lei 8 de martzu de su 1989 n. 95 e s’art. 9, de sa lei 21 de su mesi de idas de su 2005 n. 270, chi disciplinant sa nòmina a scrutadori de sègiu eletorali.
SCERAU ca sa cummissioni eletorali comunali at incarrelau, intra de sa de binticincu e sa de binti diis in antis de sa data stabilida po votai, a sa nòmina, a cada una setzioni eletorali de su Comunu, de unu nùmeru de scrutadoris, chi funt in s’albu cosa sua, paris a cussu chi serbit;
ARRECONNOTU A CRARU ca a sa data de oi, po una surra de arraxonis, ant acetau s’incàrrigu de scrutadori pagu genti e si creit de no arrennesci a ammantai su fabisòngiu de scrutadoris po costituiri comenti si depit is sègius in ocasioni de is consultatzionis eletoralis de su 25 e 26 de su mesi de ladàmini de su 2020;
CRÈTIU de depi atendi a marolla a costituiri comenti si depit is sègius e scerau ca sighendi a piscai a sorti in s’albu de is scrutadoris si iat a arriscai de non lompi a su nùmeru de 20 scrutadoris;
INVITAT
Bida sa situatzioni de apretu totu suu, a is eletoris e is eletoras chi arresurtant essi giai iscritas in s’albu comunali de is scrutadoris e chi tenint custus rechisius in prus:
- essi disocupaus, inocupaus, studentis o casalingas sena de arrèditu;
- no ai fatu s’incàrrigu de scrutadori me in is ùrtimus consultatzionis eletoralis (Referendum Costitutzionali de cabudanni de su 2020 – Eletzioni de su Parlamentu Europeu de màju de su 2019 e Eletzioni de su Consillu Regionali de freàrgiu de su 2019).
a integai una decraratzioni scrita de essi a disponimentu po deaveras a pigai sa funtzioni de scrutadori po is consultatzionis in arremoni chi s’ant a fai segundu a custu calendàriu:
24 de su mesi de ladàmini de su 2020 - operatzionis de insediamentu
25 de su mesi de ladàmini de su 2020 - operatzionis de votu
26 de su mesi de ladàmini de su 2020 - operatzionis de votu e de scrutìniu
Sa decraratzioni s’at a depi sterri me in is mòdulus aposta a disponimentu me in s’ufìtziu eletorali o sinuncas si podint scarrigai de su situ internet – http://www.comune.santagiusta.or.it
Su mòdulu, totu cumpilau e cun firma de chi fait rechesta, s’at a depi intregai, impari a sa fotocòpia de unu documentu de identidadi, a s’ufìtziu protocollu generali de su Comunu – Bia de Garibaldi 84, o sinuncas mandau a PEC a s’indiritzu protocollo@pec.comune.santagiusta.or.it – aintru e sena de sartai sa ora de is 2 mancu 1 cuartu de Lunis 18 de su mesi de ladàmini de su 2020.
Cun is disponibilidadis arribadas s’at a atendi a assinnai is postus lìberus de scrutadori in òrdini de arribu e, sceti candu su nùmeru de is istàntzias arribadat siant prus bàscias de su nùmeru chi serbit, s’at a incarrelai a scerai àterus critèrius.
Santa Justa, 13 de su mesi de ladàmini de su 2020
SU SÌNDIGU
f.au Antonello Figus