Cun Decretu de su Presidenti de sa Repùblica de su 17 de argiolas de su 2020, publicau in sa G.U. de su 18/07/2020, ant procramau su referendum populari cunformativu cun custu chesitu:
"Ddu aprovais su testu de sa lei costitutzionali cun "Mudaduras a is artìculus 56, 57 e 59 de sa Costitutzioni in matèria de amenguamentu de su nùmeru de is parlamentaris", chi at aprovau su Parlamentu e publicau in sa Gazeta Ufitziali de sa Repùblica italiana n.240 de su 12 de su mesi de ladàmini de su 2019?".
Is operatzionis de votu s'ant a fai in sa giorronada de domigu 20 de cabudanni, de is 7 de mangianu a is 11 de noti, e in sa giorronada de lunis 21 de cabudanni, de is 7 de mangianu a is 3 de meigama. Apena acabbadas is operatzionis de votatzioni, s'at a incarrerai lunis 21 de cabudanni a is 3 de meigama a su scrutìnniu de su referendum costitutzionali.
Po non si atacai s'unu cun s'àteru su COVID-19 is consultatzionis referendàrias s'ant a fai arrispetendi sa manera de fai e de caudela chi narant is protocollus sanidàrius e de seguresa chi at pigau su Guvernu. Po ndi sciri de prus tocat a castiai su spetziali "Eligendo" in su situ de su Ministeru de s'Internu.
Tèrminis e maneras de votai de su seberu de is eletoris residendi a s'èsteru po su votu in Itàlia.
Po su referendum in ogetu, is eletoris italianus residendi a s'èsteru, cunforma a sa lei 27 de su mesi de idas de su 2001, n. 459 e de su regulamentu po ddu poni in pràtica cosa suas aprovau cun D.P.R. 2 de abrili de su 2003, n. 104, votant po currispundèntzia.
Custa normativa, ponendi in contu sa manera de votai de custus eletoris a currispundèntzia, chi is nòminis insoru funt postus de ufìtziu in s'elencu de is eletoris cun residèntzia a s'èsteru, fadendi sarva comenti si siat sa possibilidadi de votai in Itàlia, fatu chi siat seberu lestu e aposta, in ocasioni de ònnia consultatzioni populari e bàllida sceti po cussa.
Prus de totu, segunda a sa spècia, su deretu de seberai po su votu in Itàlia, cunforma a is artt. 1, comma 3 e 4 de sa lei n.459/2001 e finas de s'art. 4 de su D.P.R. n.104/2003, si depit fai aintru de is dexi diis afatanti a su procramu de su referendum (pighendi a riferimentu sa data de publicatzioni in sa Gazeta Ufitziali de su decretu de procramu) est a nai aintru de su 28 de su mesi de argiolas de su 2020, finas impreendi su modellu aposta.
Su seberu depit arribau aintru de custu tèrmini a s'Ufìtziu de su Consoli chi traballat in sa circuscritzioni de residèntzia de s'eletori e s'at a podi arrevocai cun su matessi modu aintru de is pròpius tèrminis postus in contu po ddu fai.
Candu su seberu est mandau a posta, s'eletori tenit s'òneri de ndi apurai chi dd'apat arriciu s'Ufìtziu de su Consoli, aintru de su tèrmini fissau.
Po ndi sciri de prus tocat a pregontai a s'Ufìtziu eletorali de su Comunu de Mòguru (0783 993006).