· 

Comunu de Biddobrana - Bonus sotziali automàticu

S'autoridadi po sa regulamentatzioni de s'energia  (ARERA) at comunicau ca su bonus sotziali at a diventai automàticu a movi de su 2021, imperendi is datus chi s'agatant in is archìvius de is entis chi si ndi òcupant. 

Su bonus amprassat su bonus po s'àcua, po sa luxi e po su gas e previdit unu scòmputu in sa bulleta. Custus tres bonus duncas ant a diventai automàticus a movi de su primu de gennarxu de su 2021, sena chi ddui siat sa netzessidadi de fai sa domanda o ndi pediri unu nou. 

A custus bonus sìat a podi aciungi cussu elètricu po s'abisòngiu fìsicu po is personas chi tenint netzessidadi prus mannas de energia po chistionis de saludi ( po carriai is màchinas e is aparechiaduras). Po otenni is primus tres bonus  tocat a èssiri in una cunditzioni de disàgiu econòmicu cun unu ISEE non prus artu de 8625 èurus (finas a 20.000 si sa famìllia est asumancu de 4 personas), mentras po atzedi a su bonus po su disàgiu fìsicu tocat a domandai sa tzertificatzioni a sa ASL.