Cun s'inghitzu de s'annu nou, torrant a cumentzai is cunferèntzias de s’Unitre de Aristanis. S'ant a fai a distàntzia imperendi sa piataforma Zoom.
Si inghitzat lunis 11 de gennarxu cun un atòbiu apitzus de "Is Tecnologias domèsticas in corantena”. Fabrizio Piras e Flaminia Ratto, architetus de su stùdiuboom de Milano, ant a aprontai una chistioni chi acrarat comenti at a mudai sa relatzioni nosta cun sa tzitadi apustis de custa pandemia.
Martis 12 de gennarxu si fueddat de literadura sarda, cun sa cunferèntzia “Sa giustìtzia in is lìburus de Grazia Deledda”. In s'atòbiu at a fueddai sa relatora e scritora Isabella Mastino.
Sa mùsica at a èssiri sa chistioni de s'ùrtimu atòbiu de custa cida, cenàbura 15 de gennarxu. S'at a fueddai de “S'arti de su barocu in is òperas de su componidori suu prus mannu , J.S. Bach – Is cuncertus de Brandeburgo”.Nd'at a fueddai sa musicista Patrizia Ibba.
Totu is atòbius ant a cumentzai a is 5 de merì.