Su Servìtziu Polìticas Scolàsticas de s'Assessorau Regionali de s'Istrutzioni Pùblica at aprovau sa graduatòria ùnica regionali de is studiantis beneficiàrius de is bursas de stùdiu po s'annu scolàsticu 2019/2020.
Sa graduatòria dda ant stèrrida in òrdini crescendi de ISEE.
Is bursas de stùdiu tenint su balori de 200 èurus cadauna.
Sa graduatòria si podit castiai in s'Ufìtziu URP de su Comuni, de su lunis a sa cenàbura de is 9 oras de mangianu a is mesudii, su martis e sa giòbia a merii de is 3.30 a is 5.30.
Is beneficiàrius podint incasciai su contributu econòmicu in cali si siat ufìtziu postali de su territòriu natzionali, sena abisòngiu de usai o ammostai sa Carta de su Studianti IoStudio, ma sceti fadendi sciri a s'operadori de sportellu de depi incasciai una bursa de stùdiu chi at assinnau su MIUR cun unu "bonìficu domiciliau" e ammostendi su còdixi fiscali e su documentu de identidadi bàlidu.
In su giassu de s'arretza in s'indiritzu http://iostudio.pubblica.istruzione.it, in sa setzioni aposta de is Bursas de Stùdiu - Iostudio BORSE DI STUDIO - ant publicau a fini a fini totu is informatzionis asuba de s'incàsciu de is Bursas de Stùdiu po is studiantis minorennis e po is studiantis magiorennis.