Is pipius, is maistus e is bidellus de is classis 1°, 2° e 3° B de sa scola mèdia de Sabarussa ant pigau parti a s'initziativa nàscia in is canalis social e chi ddi narant " Scatulas de Paschixedda", donendi-ddas a sa mensa de is pòburus de Aristanis. Ddui ant posti aintru cosas callentis, durcis e cosas chi serbint a manera apretosa.
Is scàtulas ddas ant giadas a sa mensa de via Carmine, gestida de is mòngias de Santu Giusepi e de unus cantu volontàrius. Genti meda circat a issas in casu de abisòngiu : po pastus callentis, po sa spesa, po bistimentus, po prudutus po si sciacuai. E in Sabarussa ant bòfiu donai su contributu issoru.
Is scatulas duncas ddas ant prenas de totu su chi podiat serbiri a ddas ant cuncordadas cun paperi chi arregordàt is festas de paschixedda.