Si fait sciri a is tzitadinus ca, cunforma a su chi est stabilèssiu in su Decretu Lei 26 de ladàmini 2019 n. 124, cunvèrtiu de sa lei 19/12/2019, n. 157, a movi de su 1 de gennarxu 2021 is Bonus Sotzialis po s'abisòngiu econòmicu ant a èssiri arreconnotus a is tzitadinus/famìllias chi ndi tenint deretu, a manera automàtica.
Duncas a movi de su primu de gennarxu 2021, is tzitadinus no ant a dèpiri prus intregai sa domanda po àiri su bonus po s'abisòngiu econòmicu po su chi pertocat sa furnidura de sa luxi, de su gas e de s'àcua, a is comunus o a is CAF chi no ant a dèpiri prus arriciri is istàntzias.
Po tènniri deretu a is tres Bonus tocat a s'agatai in una cunditzioni de disàgiu econòmicu e duncas a tènniri unu ISEE de unu importu non prus artu de €. 8.265,00 e/o finas a €. 20.000 po is famìllias chi ddui at asumancu 4 fillus a càrrigu.
Po àteras informatzionis e po arriciri assistèntzia fait a cuntatai su Call Center SGATE a su nùmeru birdi 800192719 o scriri una mail a s'indiritzu de posta eletrònica sgate@anci.it.