A movi de oi podeis agatai in lìnia s'ùrtimu vìdeu de su progetu “Diabete e Sport 3.0” promòviu de Aniad Sardìnnia e de su Servìtziu de Diabetologia de Aristanis in collaboratzioni cun s'Assessorau a su sport de su Comuni de Aristanis.
Su protagonista de oi est Piero Pitzanti, classi 1984, cun diabeti de tipu 1. Si òcupat de vigilàntzia contra a su fogu a arriscu artu e fait finas su maistu de basket. Candu non trabballat fait sport diversus comenti a su basket e a su tracking.
Po issu su sport est giai unu praxeri mannu ma finas una manera po cuntrollai comenti est andendi sa glicemia.
Cun i primus vìdeus gràtzias a sa collaboratzioni de dotoris e rapresentantis de su sport, si est fueddau de chistionis de importu mannu po su chi pertocat su diabeti e su sport; duncas de s'atividadi fìsica, de comenti iat a èssiri mellus a papapi, de sa psicologia, sa normativa, de comenti gestiri sa maladia.
Is àterus vìdeus invècias fuant intregaus a is esperièntzias de is piciocus e piciocas chi faint sport , bivendi sa maladia de su diabeti a manera propositiva.