Informatzionis de La Nuova Sardegna
Unus cantu comunus de sa provìntzia de Aristanis e finas cussus de Crabas, Santa Justa e Aristanis ant fatu progetus de traballu po ocupai is personas chi tirant su rèditu de tzitadinàntzia. Tocat a acrarai ca non est unu raportu de traballu.
Is personas interessadas non ant a arramprasai is dipendentis de is entis pùblicus.
Ant à èssiri destinaus prusatotu a traballus in àmbitu ambientali, culturali, sotziali, e de amparu de is benis comunis.
In Crabas si circant coranta personas chi s'ant a incurai de is percursus naturalìsticus e de cuntrollai is atzessus in spiàgia e s'arrespetu de is normas.
Aristanis circat 14 personas chi cuntrollint s'intrada a scola e in corriera de is studiantis e 15 personas po agiudai is antzianus finas in is cositeddas de domu.
In Santa Justa invècias si circant 50 personas chi si interessint a mantènniri a postu is àreas birdis, is arredus aintru a sa bidda e a foras, e de ndi bòddiri s'àliga chi nci ghetant in su sarti e in sa strada.