Lei N. 162/98: Pianus personalizaus in agiudu de is personis cun disabilidadi mala.
Si fait sciri ca cun delìbera de Giunta Regionali n. 64/18 de su 18 de su mesi de idas de su 2020 sa RAS at autorizau:
1. DE SIGHIRI IS PIANUS PERSONALIZAUS CHI FUNT IN PEI A SU 31.12.2020 ÀTERUS 4 MESIS IN PRUS, DE SU 1 DE GENNÀRGIU FINAS A SU 30 DE ABRILI DE SU 2021 CUN IMPORTUS A SU MESI ARRECONNOTUS PO SA SIMANA MESI DE ARGIOLAS-MESI DE IDAS DE SU 2020;
2. DE APRONTAI IS PIANUS NOUS SIAT PO CUSSUS GIAI IN PEI A SU 31.12.2020, SIAT PO CUSSUS NOUS IN TOTU IN SU 2021 (CHI INTREGANT DIMANDA SA PRIMU BORTA).
PODINT INTREGAI DIMANDA PO UNU PIANU NOU IN TOTU IS PERSONIS CUN CUSTUS ARRECHISIUS:
· Totu is tzitadinus cun residèntzia in su Comunu de Mòguru, chi ddis ant arreconnotu andicap in situatzioni de gravidadi cunforma a s’art. 3 comma 3 Lei n. 104/92 certificau a su 31.03.2021;
Si fait sciri a is interessaus ca is rechestas s’ant a depi intregai a su Comunu de Mòguru movendi de su 18.01.2021 finas a su 18.02.2021.
Si avisat in prus ca sa scadèntzia de sa dimanda s’est trantzida a su 02.04.2021 sceti po is pianus nous in totu (CHI INTREGANT SA DIMANDA SA PRIMU BORTA).
Totu sa modulìstica chi abisòngiat est a disponimentu in su situ istitutzionali de Mòguru, e me in is ufìtzius de Servìtziu Sotziali me in is diis, de su lunis a sa cenàbura de sa ora de is 10,00 de mangianu e finas a is mesudii. Po cali si siat crarimentu fait a telefonai a su n. 0783/993022-26.