![](https://image.jimcdn.com/app/cms/image/transf/dimension=344x10000:format=jpg/path/sa508afa0716a6b0f/image/i8b8cbee1d9cccff5/version/1610104690/image.jpg)
S’assessorau a sa cultura, paris cun sa biblioteca comunali de Mòguru e is piciocus de su Servìtziu Tzivili, in su mesi de idas ant propostu s’initziativa “ Nc’est posta po Babbu Natali”, cumbidendi totu is pipius a scriri una literedda .
A s’intrada de sa Biblioteca ant postu una cascita po is lìteras arrichillionada cun cositeddas chi arregordant sa Paschixedda, inui is pipius ant pòtziu pònniri is lìteras.
A s’acabbu de s’initziativa totu is litereddas ddas ant publicadas in su situ de su Comunu de Mòguru e cumpartzidas in sa pàgina facebook de su Servìtziu Tzivili Natzionali e de sa Biblioteca.
Is pipius sunt stètius unu esèmpiu mannu de generosidadi, poita non ant scritu feti apitzus de is disigius insoru ma ant domandau de podi torrai a biri e imprassai totu is chi bolint beni, ammostendi comenti custa emergèntzia chi seus bivendi ddus at tocaus meda.
A movi de oi 8 de gennarxu is litereddas ant a èssiri torradas a is pipius paris cun unu arregalleddu.