Su pei diabèticu e s'esercìtziu fìsicu. Est a disponimentu in s'arretza su vìdeu nou informativu in s'àmbitu de su progetu“Diabete e Sport 3.0”.
Stefania Floris e Maddalena Atzeni, protagonistas de s'ùrtimu vìdeu de su progetu "Diabete e Sport 3.0", funt, una, diabetòloga de su Servìtziu de Diabetologia de Aristanis e, s'àtera, Podòloga professionista chi traballat po contu suu.
Impari ant a poni a craru is aspetus chi tenint de biri cun su pei diabèticu e a sa possibilidadi de fai esercìtziu fìsicu; ma no ant a ammancai consillus asuba de sa cura e de sa preventzioni.
“Diabete e Sport 3.0” est su progetu chi est incurendi s'Aniad Sardigna (Assòtziu Natzionali Italiana Atletas Diabèticus) e su Servìtziu de Diabetologia e maladias metabòlicas de sa Assl de Aristanis, cun su patrocìniu de sa Regioni Autònoma de Sardigna, de s'Assòtziu Mèigus Diabetòlogus Sardigna (AMD Sardigna) e de sa Sotziedadi Italiana de Diabetologia (SID) e Diabeti Itàlia.
S'Assessora a su sport de su Comuni de Aristanis Maria Bonaria Zedda, arreconnoscendi s'importu sotziali de s'initziativa, ddu at cumpartziu e ddu favoressit ospitendi e veiculendi cun su situ istitutzionali is 16 vìdeus informativus asuba de su tema de su sport comenti a aina de preventzioni e de gestioni de su diabeti, po totu sa genti, e in mesu a totu po is chi funt fertus de maladia, chi disìgiant de s'acostai a sa pràtica de s'atividadi motòria.