Nova de L'unione Sarda
Una arregorta de firmas e de dinai po comporai unu impiantu de illuminatzioni nou po sa crèsia de Santa Maria Assunta.
Sa proposta dd'at fata su predi de sa bidda don Giuseppe Sanna: "Speru in su coru bonu de is tzitadinus - at nau su predi, mi ndi seu acatau ca s'impiantu tenit problemas grais , e mi iat a praxi a ndi comporai unu nou. Iant a serbiri prus o mancu 15 milli èurus , aici arresultàt de is preventivus chi apu domandau in is diis passadas. Iat a èssiri una manera po allumiai mellus sa bellesa de sa crèsia nosta, chi in pagu tempus at a diventai prus bella e cullidora gràtzias a su dinai chi s'iat a podi boddiri e chi iat a permìtiri de dda rennovai siat aintru chi a foras. Onniunu podit giai su chi podit."
Finas sa retza chi amparat is fidelis de is carcinaxus at a diventai feti unu arregordu. Su Comuni de Crabas difati at aprovau su progetu po pònniri in siguresa e po restaurai sa crèsia. Su programma previdit unus cantu interventus netzessàrius po interrumpi s'atufadura de is arrebussus de foras, chi in su 2016 iant rèndiu netzessàriu pònniri una retza comporada de su comuni.