Si fait sciri ca, cun detèrmina n. 841 protocollu n. 16559 de su 23 de su mesi de idas de su 2020 ant aprovau sa graduatòria ùnica regionali de is studiantis beneficiàrius de sa bursa de stùdiu in ogetu, de su balori de 200 èurus cadauna. Is nominativus de is studiantis beneficiàrius de sa bursa de istùdiu in ogetu, chi tenint sa residèntzia in su Comunu de Mòguru, funt in su .pdf auniu a s'avisu in su situ istitutzionali.
Totu cussus istudiantis chi ant pigau parti a su cuncursu, chi non s'agatant in s'allegau non funt beneficiàrius de sa bursa de stùdiu.
Po su chi pertocat su pagamentu de is bursas, su Ministeru de s'Istrutzioni at dispostu de ddu fai cun bonìficu domiciliau.
S'arregordat ca su ministeru est s'ùnicu canali informativu ufitziali po su chi pertocat sa riscossioni de is bursas. Po tanti, is studiantis e is famìllias podint castiai su situ istitutzionali in s'arretza IOSTUDIO – Portali de su studianti, a s'indiritzu: http://iostudio.pubblica.istruzione.it o mandai is rechestas de informatzioni sceti a s'indiritzu iostudio@istruzione.it e a su nùmeru de telèfonu 06 40409803.