Nova de linkoristano.it
S’assessora a su Sport de su Comunu de Santa Justa, Rita Corrias, at arriciu in municìpiu Sebastiano Musu, su giòvunu giogadori de palloni chi a movi de s'istadi passada bivit in is Usa, inui giogat in is campionaus collegialis e stùdiat Business e Marketing a s'Universidadi de Campbellsville, in su stadu de su Kentucky. Musu dd'ant premiau po is sutzessus chi at tentu is is Stadus Unius, in s'atòbiu de consillu de giòbia passada.
Aici at nau s’assessora Corrias, “ apu biu in is ogus suus commotzioni manna mentras fiat contendi s'esperièntzia sua foras de s'Itàlia. Seu sigura ca Sebastiano, gràtzias a sa determinatzioni sua potzat lompi a sutzessus de importu mannu. E po custa arrexoni chi dd'apu cunsenniau unu presenti, po ddi ammostai unu arriconnoscimentu de s'amministratzioni e de totu sa comunidadi de Santa Justa. Ddi fadeus augùrius mannus”.