De su 7 de gennarxu sa scola Grazia Deledda s'at a trantziri in is localis de via Solferino e via Marconi.
“S’amministratzioni comunali - decrarat s’Assessori a s'Istrutzioni Pùblica Massimiliano Sanna - at agatau una solutzioni definitòria e una sedi amministrativa e didàtica in su tzentru provintziali de istrutzioni po genti manna chi tenit unu rolu de importu mannu po su chi pertocat sa formatzioni in su territòriu e gràtzias a sa disponibilidadi cun sa Porvìntzia at pòtziu firmai unu cuntratu de locatzioni po su segundu pianu de sa strutura de via Lepanto.
Sa scola de via Solferino at a aculli is classis de su cursu de mùsica e in sa scola de via Marconi s'ant a trantziri is àteras setzionis. “Est una solutzioni temporànea , – aciungit s'assessori - chi est stètia possìbili gràtzias a sa collaboratzioni de Maria Giovanna Pilloni e Tiziana Laconi, dirigentis de s'Istitutu Comprensivu Unu e Duus e chi si sunt pigaus s'impìnniu cun su Comunu po arranesci in custa cosa”.
S’amministratzioni sperat peroa chi su CPIA 4 at a podi traballai in una strtura idònea a is esigèntzias de s'istitutu e de sa scola mèdia Grazia Deledda .