Nova de " L'Unione Sarda"
Sighint is traballus po torrai a nou is scolas elementaris de Biddobrana.
Cun s'ùrtimu interventu ant a arramprasai is infissus de sa strutura. Is traballus ant a cumentzai in is primus diis de s'annu nou. Unu investimentu de 225 milli èurus, chi amprassat finas su de pònniri a norma s'impiantu antincèndiu ;150 milli èurus de dinai de sa regioni, 30 milli de su stadu e 45 milli èurus de su comunu.
"Sa scola nosta - narat su sìndigu Paolo Pireddu, 36 annus - at a diventai una scola birdi. Is infissus nous e is traballus chi eus giai fatu, ant a permìtiri unu arrispàrmiu de energia mannu meda e una eficièntzia tèrmica mellorada e chi at a portai a imperai sèmpiri prus pagu is combustìbilis po su riscaldamentu. "
Cussu de cambiai is infissus at a èssiri s'ùrtimu de is traballus, prima s'at a pònniri in siguresa su stàbili, s'at a rennovai s'arredamentu, s'ant a pònniri is pannellus fotovoltàicus e is baterias de s'energia chi s'at a produsi. In prus s'ant a sostituiri is palus de sa luxi cun àterus a sistema Led e ancora eus a sistemai aparèchius chi ant a arregulai a manera automàtica sa temperatura aintru a scola.
In su bennidori nc' ant a èssiri àteras novidadis. "S'ùrtima cosa de fai - sighit Pireddu - at a èssiri cussa de pònniri una tzentrali tèrmica chi at a traballai a sola, gràtzias a s'energia prodùsia de is pannellsu e chi at a callentai sa scola in s'ierru e dd'at a scidrai in s'istadiabi".