Su Comuni de Aristanis, comenti at postu in contu sa Delìbera de sa Giunta Comunale n. 167 de su 19 de su mesi de ladàmini passau, at publicau un’Avisu pùblicu po spriculai ammostus de interessu po impreai unu tantu de tempus su Palatzetu nou de su Sport. S’invitu est deretu a Sotziedadis o assòtzius Sportivus tzitadinus e a sugetus interessaus a cuncordai eventus. S’importu de totu is òneris est prus o mancu de €. 30.000,00 a s’annu.
S'afidamentu at a essi de 2 annus movendi de data de s’àutu de cuncessioni.
«Custu est su primu atu chi si podit tocai a manus – narat s’assessora a su Sport, Maria Bonaria Zedda – po poni a regimi e programmai su gosu de s’impiantu sportivu de avanguàrdia, chi totus aprètziant. Una strutura de importu chi podit serbiri meda».
Sa scadèntzia de s’intregu de is dimandas est su 5 de freàrgiu de su 2021. Totu is documentus funt a disponimentu in su situ de su Comuni: www.comune.oristano.it /servizi/atti documenti modulistica/altri bandi e avvisi/ anno2020