Comuni de Aristanis - Diabeti e Sport 3.0: Marcello Grussu e sa normativa asuba de s’esercìtziu fìsicu
Normativa asuba de s’esercìtziu fìsicu cun Diabeti e Sport 3.0. Fati a castiai in s’arretza su vìdeu informativu nou in s’àmbitu de su progetu “Diabete e Sport 3.0”. Ant ospitau in sa puntada nova Marcello Grussu, Presidenti Natzionali de A.N.I.A.D., cun diabeti de tipu 1, in custu vìdeu at a chistionai de sa normativa in s’àmbitu de su sport, de is certificaus mèdicus sportivus e de consillus profetosus de comenti si portai acontessendi de non teni certificau.
“Diabete e Sport 3.0” est su progetu chi est incurendi s'Aniad Sardigna (Assòtziu Natzionali Italiana Atletas Diabèticus) e su Servìtziu de Diabetologia e maladias metabòlicas de sa Assl de Aristanis, cun su patrocìniu de sa Regioni Autònoma de Sardigna, de s'Assòtziu Mèigus Diabetòlogus Sardigna (AMD Sardigna) e de sa Sotziedadi Italiana de Diabetologia (SID) e Diabeti Itàlia.
S'Assessora a su sport de su Comuni de Aristanis Maria Bonaria Zedda, arreconnoscendi s'importu sotziali de s'initziativa, ddu at cumpartziu e ddu favoressit ospitendi e veiculendi cun su situ istitutzionali is 16 vìdeus informativus asuba de su tema de su sport comenti a aina de preventzioni e de gestioni de su diabeti, po totu sa genti, e in mesu a totu po is chi funt fertus de maladia, chi disìgiant de s'acostai a sa pràtica de s'atividadi motòria.