Nova liada de La Nuova Sardegna
In pagu prus de duus mesis su monumentu sìmbulu de sa tzitadi de Aristanis est giai prontu po torrai a aberri apustis de annus de cresura. A tzertificai a manera informali s'acabbu de is traballus est unu subralogu fatu ariseu a mangianu de su sìndigu Andrea Lutzu paris cun s'assessori a sa Cultura Massimiliano Sanna e a su dirigenti de su setori a is Traballus Pùblicus Roberto Sanna.
In terra ddui est ancora unu telu de plàstica po amparai s'apamentadura ma is scalas nobas e su solàriu nou, sunt prontus. Ant postu in siguresa finas s'acotzu de linna de sa campana de brunzu de su 1430. «Sa dita si iat impromìtiu de acabbai is traballus a primu meda de su tèrmini stabilèssiu, e at arrispetau su fueddu giau » acrarat s'assessori Massimiliano Sanna, chi in is ùrtimus mesis at donau grandu importàntzia a is cantieris acapiaus a sa cultura, essendi ca sunt acabbendi finas is traballus a su teatru Garau.
Nemmus po immoi narat cun seguresa candu sa Turri at a aberri ma in
su Palatzu de is Scolòpius fueddant de pagu diis: giustu su tempus de sconciai su cantieri e fai su collàudu.
Su monumentu duncas iat a podi aberri a sa tzitadi giai in sa primu
cida de su 2021. «Is traballus sunt acabbaus e duncas fait giai a si torrai a gosai sa turri .