S’amministratzioni comunali non si ndi scarescit de su spidali. Sighendi sa proposta de s’assessora a is Polìticas Sotzialis, Carmen Murru, at comporau unus cantu gioghiteddus po is pipius chi sunt arricoveraus in su repartu de Pediatria e po totu is piticheddus chi sunt ospitaus in is àterus repartus de su spidali.
In is diis primu de Paschixedda su vice sìndigu Massimiliano Sanna, s'assessora e su presidenti de sa Commissioni a is Servìtzius Sotzialis, Antonio Iatalese, ant cunsenniau is arregallus a su personali de su repartu chi ddus ant giaus a is pipius.
Ocannu duncas ant coitau una usàntzia che de annus meda si fadiat po sa pasca de is tres reis e s'arribu de sa Befana in sa pratza Roma, ma chi ant dèpiu fai innantis a su tempus, po mori de is normas chi pertocant s'emergèntzia sanitària.