Si fait sciri a totu is tzitadinus ca s'Amministratzioni Comunali bolit fruniri de unu saturìmetru totu is famìllias de Siamajore chi in su nùcleu familliari ddui at assumancu unu chi tenit 65 annus de edadi. Custu trastixeddu serbit in sa circa e in sa valutatzioni epidemiològica de sa circulatzioni virali casi ca:
- mesurat su tanti de ossìgenu in su sanguni e sa saturimetria (s'ossigenatzioni de su sanguni apuntu), est unu de is paràmetrus de riferimentu po castiai s'andamentu de COVID-19, sa maladia po infetzioni SARS-CoV-2;
- permitit a sa genti de castiai s'ossigenatzioni de su sanguni, po castiai in tempus chi is prummonis funt apostu - finas ammanchendi sìntomus - e a si ndi movi allestru.
Is dipendentis incarrigaus ant a donai is saturìmetrus me in is localis de su Comunu, movendi de cras 30 de su mesi de idas.
Si ponit a craru ca s'at a donai unu saturìmetru a famìllia e ca cussu etotu s'at a donai a unu feti de sa famìllia etotu