Novas de is comunus e de is Entis · 29. dicembre 2020

Comunu de Aristanis - Po su progetu " Diabete e sport" fueddat Alessandra Corona

Su videu nou de su progetu “Diabete e Sport 3.0”, a disponimentu in su web de su 27 de su mesi de idas, est intregau a Alessandra Corona.

Nàscia in su 1990, cun diabete de tipu 1, Alessandra Corona est laureada in architetura, est fotògrafa e videomaker. Est vice presidenti de s'Assòtziu diabete de Igresias - Carbònia.

In custu pregontu contat s'esperièntzia cosa sua in su sport e prusatotu in su CrossFit.

“Diabete e Sport 3.0” est su progetu a incuru de s’Aniad Sardegna (Assòtziu Natzionali Italianu Atletas cun diabete) e de su Servìtziu de Diabetologia e Maladias metabolicas de sa Assl de Aristanis cun su patrocìniu de sa Regioni Autònoma de Sardìnnia, de s'assòtziu Dotoris Diabetòlogus de Sardìnnia (AMD Sardìnnia) e de sa sotziedadi Italiana de Diabetologia (SID) e Diabete Itàlia.

S'Assessori a su sport de su Comunu de Aristanis Maria Bonaria Zedda, riconnoscendi s'importàntzia sotziali de s'initziativa dd'at cumpartzida e promovit in su situ istitutzionali, is 16 videus chi fueddant de su sport comenti a aina po prevènniri e gestiri su diabete, po totu cussas personas , prusatotu is chi tenint custa maladia, chi si bolint acostai a sa pràtiga de s'atividadi motòria.