Pròroga Pianus Personalizaus - Lei 162/98.
Si fait sciri ca sa Giunta Regionali, cun Delìbera sua n. 64/18 de su 18/12/2020, at stabiliu de sighiri is pianus personalizaus chi funt in pei finas a su 31/12/2020, pesaus po genti cun disabilidadi lègia chi est in s’art. 3 comma 3 de sa Lei n. 104/1992. Cussus etotu funt de pigai prorogaus de su 01/01/2021 e finas a su 30/04/2021.
Sceti po su chi pertocat sa certificatzioni de sa L.104/1992 si invitant a is beneficiàrius de apurai chi cussa sighit a essi bàlida.
Is progetus chi funt fadendi-sì immui s’ant a torrai a balutai me in is primus mesis chi benint de s’annu 2021 cun s’agiornamentu de sa scheda sotziali, s’intregu de su ISEE 2021 e, candu ddu at a crei de abisòngiu su mèigu de famìllia pedendi-ddu su beneficiàriu, cun s’agiornamentu de sa scheda de valutatzioni sanidària agiornada. Is baloris de is pianus aici torraus a balutai ant a movi de su 01.05.2021.
Sa Delìbera regionali ponit in contu in prus ca is pianus personalizaus nous, po genti cun disabilidadi lègia chi est in s’art. 3 comma 3 de sa Lei n. 104/1992 certificada a su 31.03.2021, depant movi de su 01.05.2021. Po tanti cussus progetus si depint acabbai aintru de su 12.04.2021.
Sa modulìstica est a disponimentu in su situ, me in is allegaus de custu avisu e me in su logu aposta in s’intrada de su fràigu comunali movendi de s’11 de gennàrgiu de su 2021 (de sa ora de is 10,00 a sa ora de is mesudii).
· A is tzitadinus interessaus a sa pròroga ddus at a cuntatai po decidi sa dii po si biri s’Assistenti Sotziali.
· Is tzitadinus chi bolint pediri sa primu borta s’aprontadura de su progetu ant a depi cuntatai a s’Assistenti Sotziali chi pertocat.
Po totu custu si fait sciri ca sa referenti po s’Àrea Bècius e No autosuficièntzia est s’Assistenti Sotziali Federica Carrus chi si podit agatai cun custus cuntatus:
0783397210 3490502452
Pratza de Eleonora, 1 - pranu terra
Email: servizi.sociali@comune.cabras.or.it
PEC: servizi.sociali@pec.comune.cabras.or.it