Po acabbai su programma de interventus po sa seguresa stradali urbana sa Giunta Abis at dispostu de assentai su primu atravessamentu pedonali in Cursu Itàlia, acanta de s'intrada de sa bidda, acostendi-ddi sa sinnalètica verticali po dda fai biri mellus a is automobilistas.
S'interventu chi ponit in contu una spesa de 29 milla èurus, s'at a cumpretai me in is primu mesis de su 2021, sa Giunta at stabiliu de poni unu segundu atravessamentu a s'acabbu de gennàrgiu. In prus s'ant a poni finas duus dossus arrallentadoris me in is bias Rossini e D’Annunzio.