Nova de La Nuova Sardegna
Is lìnias de sa luxi ant mortu unus cantu àchilis de Bonelli:
apustis de is tres esemplaris fulminaus in is ùrtimus duus annus , Battore e Sadonna, sunt mortus tochendi is filus de sa luxi in Siamajore e Santuaingiu. Dd'at fatu sciri s'Ispra, chi si òcupat
de su progetu chi pertocat su de torrai a ispainai s'àchili de Bonelli o Abilastru, spèrdiu po mori de pastoris meda chi ant sèmpiri crètiu chi fetzat dannu a su bestiàmini e po mori de
calchi cassadori. .
In totu duncas sunt cincu is abilastrus bocius de is cavus de sa
luxi, unu àteru in su 2019 dd'iant bociu a fusilli acanta a Giba in su Sulcis.
Custu pilloni , comenti ammostant is arresultaus de progetus meda, currit arriscus mannus po mori de is lìnias elètricas.
Est duncas de grandu importu sinnalai luegu a sa Forestali sa presèntzia de pillonis mortus acanta a is cavus de sa luxi. E si sperat in Sardìnnia unu interessamentu de is cumpangias elètricas po pònniri in siguresa in lìnias prus perigulosas, chi podint portai a su fallimentu de is progetus prus bellus.