In custa simana de pandemia chi donat pensamentu siat po arrexonis sanitàrias siat po su traballu chi ammancat sèmpiri de prus, sunt torrendi a tènniri importàntzia is chi naraus " traballus ùmilis", comenti a cussu de sanificai e limpiai is struturas, non feti sanitàrias ma finas is parchègius e àterus localis abertus a su pùblicu.
Po smenguai is dannus dèpius a sa perdida de traballu, est arribau s'aprovu de parti de sa regioni Sardìnnia de su progetu “Sinis LavoRas” chi fait parti de sa mesura pùblica chi ddi narant “Cantieris de ativatzioni noba – annualidadi 2019” in s'àmbitu de su Programma Plurifondo LavoRas. Unu interventu duncas chi at a serbiri siat po fai òperas struturalis siat po donai traballu a unas cantu personas chi arrapresentant su elementu de prus importu po sa ripresa de s'economia.
Cun s'aprovu de custu progetu sunt arribaus a su comuni de Crabas 152.566 èurus e s'at a pòdiri duncas protzedi cun s'assuntzioni de otu personas chi ant a traballai a su recuperu de is discàrrigas abusivas.
Unu àmbitu de interventu acapiau a s'amparu de s'ecosistema e a su de torrai a nou is territòrius chi dì po dì est diventendi de importu mannu, po sa grandu atentzioni chi est nascendi apitzus de custa temàtica, capassa de giai postus de traballu prus de àterus setoris tradiztionalis.