Su Comunu de Aristanis at publicau un’asta pùblica po sa cuncessioni in valorizatzioni de s'àrea po is Grandu Eventus de Turri Manna, de destinai a punna principali a sa cuncordadura e a fai manifestatzionis culturalis e de spetàculu.
Si chistionat de s'àrea posta intra de sa bia de Stella Maris e sa bia de Colombo, in s'intrada de su burgu marinu de Turri Manna benendi de Aristanis e de Crabas, de sa superfìcii de 60.000 mq, prus o mancu.
S’asta si fait asuba de su balori a basi de asta de su cànoni a s'annu de cuncessioni de 31.000 euro (chi at a cresci), unu tempus po non prus de 20 annus.
Is ofertas ant a depi arribai a su Comuni de Aristanis - Setori Programmatzioni e Gestioni de is resursas - Ufìtziu Protocollu, Pratza de Eleonora 44 – Palàtziu Campus – Colonna – 09170 Aristanis, aintru de sa ora de mesudii de su 30 de martzu de su 2021.
S'avisu e su bandu suu e totu is documentus aunius ddus ant publicaus in s'Albu Pretòriu de su Comuni de Aristanis in su situ e funt a disponimentu in su Comuni de Aristanis - Ufìtziu patrimòniu, Pratza de Eleonora n. 44, Palàtziu de is Scolòpius, su de 2 pranus (Tel. 0783 / 791270 - 791340) – de su lunis a sa cenàbura de is 9 oras a mesudii e su martis e sa giòbia a merii de is 4 a is 6, o si podint castiai e scarrigai de custu indiritzu: https://www.comune.oristano.it/it/servizi/atti-e-documenti/bandi-e-avvisi/index.html ---> anno2020 ----> Concession in valorizzazione ---> Area Grandi Eventi Torregrande