Su Comuni de Aristanis at publicau un’asta pùblica po sa cuncessioni de is localis de su bar aintru de su Palàtziu de Giustìtzia in Pratza Aldo Moro in Aristanis.
Sa cuncessioni pertocat is localis destinaus a bar chi funt in bàsciu in s'intrada de su tribunali, cun una superfìcii cummerciali de 135 mq in totu.
S’asta si fait movendi de una basi de asta de su cànoni a sa s'annu de cuncessioni paris a 5.880 èurus (chi at a cresci), po unu tempus de 6 annus, chi si podint annoai una borta sceti po àterus 6 annus.
Is ofertas ant a depi arribai a su Comuni de Aristanis - Setori Programmatzioni e Gestioni de is Resursas - Ufìtziu Protocollu, Pratza de Eleonora 44 – Palàtziu Campus – Colonna – 09170 Aristanis, aintru de sa ora de sa 1,00 de su 19 de freàrgiu de su 2021.
S'asta s'at a fai sa dii 25 de freàrgiu de su 2021.
S'avisu, su bandu e totu is documentus suus ddus ant publicaus in s'albu Pretòriu de su Comuni de Aristanis in su situ e funt a disponimentu in su Comuni de Aristanis - Ufìtziu Patrimòniu, Pratza de Eleonora n. 44, Palàtziu de is Scolòpius, su de 2 pranus (Tel. 0783 / 791270 - 791340) – de su lunis a sa cenàbura de is 9 oras a is mesudii e su martis e sa giòbia de merii de is 4 a is 6, o si podint castiai e scarrigai de custu indiritzu:
https://www.comune.oristano.it/it/servizi/atti-e-documenti/bandi-e-avvisi/index.html ð anno 2020 ð Concessioni ð Locali Bar Tribunale