Su Comuni de Aristanis at publicau un’asta pùblica po sa cuncessioni de is localis de su bar e servìtzius in s'àrea birdi de pratza de Abis in Aristanis, in sa zona chi ddui fiant is domus mìnimas.
Sa cuncessioni pertocat duus fràigus (unu destianu a bar e unu a servìtzius igiènicus) e un'àrea a ladu de foras de pertinèntzia de 110 mq, po una superfìcii cummerciali de 160 mq in totu.
S’asta si fait asuba de unu balori a basi de asta de su cànoni a s'annu de cuncessioni paris a 5.700 èurus (chi at a scresci), po unu tempus de 6 annus, chi si podint annoai una borta sceti po àterus 6 annus.
Is ofertas ant a depi arribai a su Comuni de Aristanis - Setori Programmatzioni e Gestioni Resursas - Ufìtziu Protocollu Pratza de Eleonora 44 – Palàtziu Campus – Colonna – 09170 Aristanis, aintru de sa ora de sa 1.00 de meigama de su 29 de gennàrgiu de su 2021.
S'asta s'at a fai sa dii 4 de freàrgiu de su 2021.
S'avisu e su bandu suu e totu is documentus aunius ddus ant publicaus in s'Albu Pretòriu de su Comuni de Aristanis in su situ e funt a disponimentu in su Comuni de Aristanis - Ufìtziu Patrimòniu, Pratza de Eleonora n. 44, Palàtziu de is Scolòpius, su de 2 pranus (Tel. 0783 / 791270 - 791340) – de su lunis a sa cenàbura de is 9 oras a mesudii e su martis e sa giòbia a merii de is 4 a is 6, o si podint castiai e scarrigai de custu indiritzu:
https://www.comune.oristano.it/it/servizi/atti-e-documenti/bandi-e-avvisi/index.html ð anno 2020 ð Concessioni ð Locali Bar Piazza Abis---