Nova de " La Nuova Sardegna"
ArtiManos, est una manifestatzioni regionali de turismu
esperentziali, chi imprassat difarentis laboratòrius de artesania abertus in Aristanis, Crabas, Mòguru, Useddus e San Vero Milis.
ArtiManos, maistus artesanus de Sardìnnia est unu assòtziu
culturali chi nascit po promovi e amparai is valoris e su sciri de s'artesania e de s'arti sarda. Ndi faint parti unas cantu dexinas de impresas de sa ceràmica, de su tessìngiu, de su traballai
sa pedra, sa peddi, sa linna.
Is artesanus bolint cumpartziri cun is tzitadinus sardus is problemas e sa richesa de su mundu de s'artesania sarda.
Arrespetendi sa normativa anti covid, su pùblicu at a podi pigai parti a custas duas diis, in presèntzia e a distàntzia, a is laboratòrius e a is cursus cuncordaus de custus maistus de s'arti. Po abbisitai is laboratòrius tocat a si prenotai.
Oi duncas de is 9 a sa una de mangianu e de is cuatru a is seti de merì, totu is laboratòrius chi pigant parti a Artimanos aprontant laboratòrius e atividadis didàticas cun s'agiudu de is ecellèntzias territorialis.
Cun is contus issoru, is mustras e totu is àteras atividadis, is artesanus ant a acumpangiai is abbisitadoris in unu viàgiu chi pertocat s'identidadi nosta, sa cultura de su traballu a manu, de is materialis apretziaus, de sa stòria e de si traditzionis localis.
Po sa bidda de Mòguru pigat parti sa Cooperativa de is Tessidoras Su Trobàsciu.