Su Cumissàriu de su Comuni de Arriora at emìtiu una ordinàntzia noba po regulamentai s'atzessu a su campusantu in sa simana de is festas de Paschixedda.
Sighendi is ùrtimas dispositzionis de su Guvernu po smenguai s'ispainadura de su coronavirus s'ordinàntzia disponit su chi sighit:
- de su 24 a su 27 de su mesi de idas 2020 (zona arrùbia) - SERRAU
- de su 28 a su 30 de su mesi de idas 2020 (zona in colori de aràngiu) – ABERTU
- de su 31 de su mesi de idas 2020 a su 3 de gennarxu 2021 (zona arrùbia) – SERRAU
- su 4 e su 5 de gennarxu 2021 (zona in colori de aràngiu) – ABERTU
- 6 de gennarxu 2021 (zona arrùbia) – SERRAU
- S'at a assigurai a 'intrada de su campusantu sa presèntzia de sustàntzias alcòlicas po si limpiai is manus
- Is personis chi intrant in campusantu depint portai sa mascaredda e arrispetai totu is arregulas chi pertocant sa distàntzia de siguresa de is àterus siat aintru che a foras de su campusantu.