UFÌTZIU SERVÌTZIU SOTZIALI
AVISU PÙBLICU
AVISU SOLIDARIEDADI COVID 19
"EROGATZIONI BONUS SPESA PO SA CÒMPORA DE GÈNERIS ALIMENTARIS E DE PRIMU NETZESSIDADI”
VISTA s’ordinàntzia de sa Protetzioni Civili Natzionali su 29 de martzu 2020, in contu de “àterus interventus de protetzioni tzivili chi pertocant s’emergèntzia apitzus de su coronavirus ”;
VISTU s’art. 2 de su Decretu lei n. 154/2020 “mesuras finatziàrias apretosas acapiadas a s’emergèntzia sanitària de COVID-19”;
CUNSIDERAU CA s’ordinàntzia de sa Protetzioni Civili, chi ddu arremonat s’art. 2 c.2 de su D.L. n. 154/2020, prevediat puru ca is Servìtzius Sotzialis de su Comunu ndi stallit is de is beneficiàrius aintru de is nùcleus familiaris prus espostus a is arriscus chi ndi benint de s’emergèntzia Coronavirus e aintru de cussus in stadu de abisòngiu, cun prioridadi po is chi non tirant giai sustènniu pùbbricu, po suddisfai is necessidadis prus de apretu e essentzialis;
A
SU RESPONSÀBILI DE SU SERVÌTZIU
INFORMAT
A totu is tzitadinus de Siamajore ca podint atzedi a is mesuras apretosas de solidariedadi alimentari gràtzias a su bonus spesa chi s’at a giai po comporai prudutus alimentaris, benis de primu netzessidadi, prudutus po si sciacuai e po limpiai sa domu, me in is esercìtzius commertzialis chi pigant parti a s’initziativa.
Sa prioridadi s’at a assigurai a cussas famìllias chi non benefitziant de àterus agiudus econòmicus.
Apustis ant a intrai in graduatòria is famìllias inui ddu at unu rèdditu feti e su titulari est percetori de una mesura de agiudu econòmicu ma ancora non dd'at tirada.
Ant a intrai in graduatòria finas is chi benefìtziant de àteras mesuras chi no abbastant a mandai ainantis sa famìllia
COMENTI SI CARCULAT SU BONU
Su bonu spesa si càrculat cunforma a su nùmeru de is cumponentis familiaris, segundu sa tabedda innoi asuta e cunforma a is disponibilidadis finantziàrias arrecidas cun su D. L. 154/2000:
|
CUMPONIMENTU NÙCLEU FAMILIARI |
TANTI DE SU BONU |
|
|
|
1 CUMPONENTI |
finas a 150,00 € |
|
|
|
2 CUMPONENTIS |
finas a 200,00 € |
|
|
|
3 CUMPONENTIS |
finas a 250,00 € |
|
|
|
4 CUMPONENTIS E PRUS |
finas a 300,00 € |
|
Sa domanda tocat a dda intregai a mesu mail a s’indiritzu de posta eletrònica tzertificada protocollo@pec.comune.siamaggiore.or.it; o a manu a s'ufìtziu de su protocollu de su comunu
Po calisisiat àtera informatzioni o acraramentu, s’invitant a is tzidadinus a cuntatati s'Ufìtziu Sotziali.
SU RESPONSÀBILI DE SU SERVÌTZIU SOTZIALI
Dotori Massimo Bellu