Sa Giunta Abis, sighendi sa proposta de s’Assessori cun dèlega a is servìtzius cimiterialis Marco Mascia, at detzìdiu de afortiai su servìtziu de arregorta de s'aliga aintru a su campusantu.
Immoi s'agatant cincu puntus de arregorta (duus in sa parti bècia de su campusantu e tres in sa parti noba).
“Eus pensau de ammanniai is postatzionis po fai prus còmudu su de lassai s'àliga po is impitadoris, e po fai prus seguras po sa dita chi si ndi òcupat, is operatzionis de sbuidamentu - at decrarau s’Assessori Marco Mascia -. Eus ammanniau finas sa capidura de is cuntenidoris, afortiendi s'arregorta de s'ùmidu, de su sicu e de sa plàstica, pensendi prusatotu a is diis chi ddu andat prus genti”.
Cumbidaus a totu is tzitadinus de imperai a sa manera giusta is cuntenidoris, po fai sa regorta diferentziada a sa mellus manera e smenguai is costus de su servìtziu, portendi benefìtzius a totu is impitadoris.