![](https://image.jimcdn.com/app/cms/image/transf/dimension=261x1024:format=png/path/sa508afa0716a6b0f/image/id82b6855e8881ecb/version/1608648255/image.png)
Sàbudu 19 in s'Aeroportu de Casteddu nci est stètia s'atobiada "Archeològika 2021". Ant pensau de dda fai s'Assessorau regionali de su Turismu e sa Càmera de Cummèrciu de Casteddu-Aristanis po favoressi a livellu natzionali e internatzionali s'imàgini de sa Sardigna e de su patrimòniu archeològicu suu. Sa punna est cussa de poni sa Sardigna in su mercau turìsticu-culturali, in Itàlia e foras de Itàlia, doxi mesis a s'annu, fadendi-ndi pigai parti finas is Suvraintendèntzias e is impresas turìsticas.