In sa Pratza Papa Giovanni XXIII, a sa parti de s'intrada a sa biblioteca comunali, ant postu una Mata de sa gentilesa.
Boleus giai a is pipius sa tenta de ddu incingiai, ponendi-ddi disènnius e pensus intregaus a is àterus pipius: pensus de amigàntzia, fraternidadi, solidariedadi; pensus chi boleus chi andint artus po preni is ogus, is origas, su coru e sa buca de totus.
Custa mata in segus s'at a prantai e sa tenta sua at a sighiri in su tempus. At a cresci paris cun is pipius nostus e paris cun issus sa gentilesa chi at a portai cun issa.
In is nais eus giai postu su logu inui s'ant a pònniri is fainas de is pipius. Si pedeus de tocai is nais cun gentilesa ca essendi una mata giòvana sunt ancora delicaus.
S’Amministratzioni iat a àiri bòfiu inaugurai cun bosatrus custa initziativa ma non fait po mori de custu virus. Custu inginnu at a serbiri peroa a si fai intendi totus prus acanta.