Oi su vìdeu de su progetu “Diabete e Sport 3.0”, chi est a disponimentu in su web, est intrgau a Valentina Crobu.
Valentina Crobu, est nàscia in su 1989 e tenit unu diabeti de tipu 1, giogat a pallavolo, est laureada in scièntzias motòrias. Sa volontadi cosa sua dd'at agiudada a mudai sa passioni sua in unu traballu.
In custu vìdeu Valentina si contat is momentus de prus importu chi ant interessau issa etotu, su diabeti e su sport.
“Diabete e Sport 3.0” est su progetu a incuru de s’Aniad Sardìnnia (Assòtziu Natzionali Italianu de is atletas cun diabeti) e de su Servìtziu de Diabetologia e Maladias metabòlicas de sa Assl de Aristanis, cun su patrocìniu de sa Regioni Autònoma de Sardìnnia, de s'assòtziu de is dotoris dibetòlugus Sardìnnia (AMD Sardegna) e de sa Sotziedadi Italiana de Diabetologia (SID) e Diabeti Itàlia.
S''Assessori a su sport de su Comuni de Aristanis Maria Bonaria Zedda, arriconnoscendi s'importàntzia sotziali de custa initziativa, dd'at cumpartzida e dda promovit, acullendi is su giassu istitutzionali totu is sexi vìdeus chi pertocant sa temàtica de su sport comenti a aina de preventzioni e gestioni de su diabeti, punnaus a totu is chi sunt interessaus de custa maladia e tenint su disìgiu de s'acostai a su sport.
Po biri su vìdeu, sighei custu link.