Torrant a atacai in manera virtuali is Atòbius de su Museu de Crabas. Sa primu atobiada est sàbudu 19 de su mesi de idas de su 2020, a sa ora de is 6:30 de merii e at a teni a tema “Su portu pùnicu de Tharros: òmini e ambienti a oru de mari de su Gulfu de Aristanis”.
Prof.ssa Carla Del Vais (Museu de Crabas – Universidadi de Casteddu), dot. Alfredo Carannante (International Research Institute for Archaeology and Ethnology - Nàpuli) e dot.ssa Maria Mureddu (Universidadi de Casteddu) ant a ammostai is arresurtaus nous de sa circa in su stani de Mistras, prus de totu de is aspetus acapiaus a su paleoambienti e a s’economia de su territòriu de Tharros in edadi pùnica.
Is atòbius s’ant a fai in sa prataforma “Zoom”; po ndi sciri de prus e po arriciri s’indiritzu po intrai a s’eventu tocat a cuntatai a posta s’indiritzu prenotazioni@penisoladelsinis.it o a cuntatai a sa segreteria chi est cuncordendi totu in su Museu Tzìvicu Giovanni Marongiu a su nùmeru 0783290636.