Valorizamentu de su chi fiat unu tempus su campègiu de Turri Manna. Ofertas aintru de su 30 de martzu de su 2021.
Su Comuni de Aristanis at publicau un’asta pùblica po sa cuncessioni in valorizamentu de s’àrea chi fiat unu tempus su campègiu de Turri Manna, de destinai comenti a atividadi principali a àrea anca si firmai is furgonis de camperistas, acapiada a is atividadis turìsticus po arriciri a genti.
Si chistionat de totu un’àrea posta in sa bia de Stella Maris, in s’intrada de su burgu marinu de Turri Manna, chi tirat prus o mancu 29 milla metrus cuadraus.
S’asta si fait movendi de unu balori a basi de asta de su cànoni a s’annu de cuncessioni de 10.000 èurus (chi podit cresci de prètziu), po non prus de 20 annus.
Is ofertas ant a depi arribai a su Comuni de Aristanis – Setori Programmatzioni e Gestioni de is Resursas – Ufìtziu Protocollu Pratza de Eleonora 44 – Palàtziu de is Campus- Colonna – 09170 Aristanis, aintru de is mesudii de su 30 de martzu de su 2021.
S’avisu pùblicu, su bandu e totu is documentus aunius ddus ant publicaus in s’Albu Pretòriu de su Comuni de Aristanis, in situ istitutzionali e funt a disponimentu in su Comunu de Aristanis – Ufìtziu Patrimòniu, Pratza de Eleonora n.44, Palàtziu de is Scolòpius 2u (Tel. 0783 / 791270 - 791340) – de su lunis a sa cenàbura de is 9 oras de mangianu finas a mesudii e su martis e sa giòbia a merii de is 4 a is 6.