![](https://image.jimcdn.com/app/cms/image/transf/dimension=308x1024:format=jpg/path/sa508afa0716a6b0f/image/id8dcd10907a91018/version/1608284254/image.jpg)
Su 28 de su mesi de idas scadint is tèrminis po intregai is dimandas po pigai parti a su sceberu de un’espertu in pianificatzioni stratègica e progetatzioni europea, cun conferimentu de un’incàrrigu professionali (segundu a s’art. 7, comma 6 de su D.Lgs. n. 165/2001, cunforma s’art. 2222 de su còdixi tzivili) de un’annu.
Po pigai parti a su sceberu abisòngiat a teni sa làurea magistrali, 5 annus de esperièntzia in sa progetatzioni europea, in mesu a totu me in is fainas amministrativas e econòmicu-finantziàrias (redatzioni e/o rendicontatzioni), aintru o in agiudu de entis localis me in is fainas de manìgiu amministrativu e rendicontatzioni de progetus europeus e connoscèntzia de sa polìtica de coesioni de s’UE e de totu is ainas prus de importu chi ndi bessint de cussa: PON, POR ecc.
Sa dimanda po ndi pigai parti, acumpangiada de curriculu e de sa còpia de unu documentu de identidadi bàlidu, si depit intregai impreendi su modellu auniu a s’avisu aintru de sa ora de sa 1 de meigama de su 28 de su mesi de idas.
Sa dimanda si depit mandai a sa cascita de posta eletrònica certificada istituzionale@pec.comune.oristano.it.
Si podint pregontai crarimentus mandendi-ddus a sa cascita de posta eletrònica europaincomune@comune.oristano.it e a su servìtziu amministrativu