Si cumentzat ocannu cun duus percursus de istrutzioni po tècnicu superiori de s'acullèntzia turìstica.
Unu s'at a fai in sa sedi de Olbia, mentras unu àterus percursu de formatzioni s'at a fai in Tèmpiu; s'at a ammantai aici s'abisòngiu de istrutzioni chi at a auniri a manera virtuali sa montànnia
e sa costa nord orientali e nord otzidentali de s'ìsula.
"Cun sa nàscida de custu Istitutu Tècnicu Superiore in Olbia si arrespetat sa volontadi polìtica chi at portau a custu tenta, de grandu
importu po totu su territòriu e s'economia de sa Sardìnnia."
Aici at nau s’Assessori Regionali a s'Istrutzioni Pùblica, Andrea Biancareddu chi dd'at bòfiu cun fortza. Sa formatzioni difati tenit una importàntzia detzisiva po su bennidori econòmicu e sotziali de sa Regioni. Sa Fundatzioni ITS cun sedi in Olbia nascit in un logu chi bivit de turismu e interessat giai sa scola ma finas s'Universidadi, sa formatzioni professionali, is Entis Localis de sa Gaddura e unus cantu impresas turìsticas de su territòriu. Sa Fundatzioni at a operai paris cun àteras fundatzionis chi giai traballant in su territòriu e at a donai sa possibilidadi a totu is piciocus sardus de punnai a una istrutzioni de livellu artu in unu setori de grandu importu comenti a cussu turìsticu. Si movit cun duus percursus po tècnicu superiori de sa acullèntzia turìstica, unu in Olbia e s'àteru in Tèmpiu.
Aici at nau s’Assessori Regionali a s'Istrutzioni Pùblica, Andrea Biancareddu chi dd'at bòfiu cun fortza. Sa formatzioni difati tenit una importàntzia detzisiva po su bennidori econòmicu e sotziali de sa Regioni. Sa Fundatzioni ITS cun sedi in Olbia nascit in un logu chi bivit de turismu e interessat giai sa scola ma finas s'Universidadi, sa formatzioni professionali, is Entis Localis de sa Gaddura e unus cantu impresas turìsticas de su territòriu. Sa Fundatzioni at a operai paris cun àteras fundatzionis chi giai traballant in su territòriu e at a donai sa possibilidadi a totu is piciocus sardus de punnai a una istrutzioni de livellu artu in unu setori de grandu importu comenti a cussu turìsticu. Si movit cun duus percursus po tècnicu superiori de sa acullèntzia turìstica, unu in Olbia e s'àteru in Tèmpiu.