Su Sìndigu de Crabas, Andrea Abis, paris cun àterus Sìndigus de sa Provìntzia est andau a sa Regioni po pediri unu atu polìticu chi potzat aderetzai sa situatzioni sanidària aristanesa lègia meda. Is primus tzitadinus peliant cun fortza de si pigai, sa Regioni, s'assuntu craru e pràticu po acabbai s'apretu de sa gestioni de su spidali e po totu sa sanidadi territoriali.