Contributus a integratzioni de is cànonis de pesoni - Dimandas aintru de su 21 de su mesi de idas.
Su Comuni de Crabas at fatu unu bandu pùblicu po assinnai contributus a integratzioni de is cànonis de pesoni pighendi de is resursas assinnadas a su Fundu natzionali de agiudu po intrai me is domus in pesoni (chi funt in s’art. 11 de sa L. 431/98, sceti po su tempus maju-mesi de idas de su 2020).
Is rechisius chi nci bolint po intrai a s’agiudu e sa manera de assinnamentu de su contributu funt postus a craru in su Bandu.
Sa dimanda, cumpilada comenti si depit in su mòdulu aposta chi at aprontau su Servìtziu Sotziali Comunali, si lassat a tràgiu de autocertificatzioni, cunforma s’art. 46 de su D.P.R. 445/2000, cun custa su chi fait rechesta podit certificai, cun una firma sceti, totu is circustàntzias chi serbint.
TÈRMINIS E MANERAS PO NDI PIGAI PARTI
Sa dimanda e is allegaus suu ant a depi arribai aintru de su tèrmini de scadèntzia chi est a sa ora de mesudii de sa dii 21.12.2020, cun una de custas maneras:
· Posta eletrònica certificata (pec) a s’indiritzu protocollo@pec.comune.cabras.or.it;
· Posta eletrònica non certificata a s’indiritzu protocollo @comune.cabras.or.it;
· Dereta a su protocollu de sa ora de is10,00 de mangianu finas a mesudii de su lunis a sa cenàbura – Pratza de Eleonora n.1