Sa Giunta Lutzu, sighendi sa proposta de s’Assessora a su Sport Maria Bonaria Zedda, at deliberau de dispensai is assòtzius sportivus chi tenint cuntzessionis e autorizatzionis po imperai palestras e impiantus sportivus comunalis, de su pagamentu de s'afitu po sa simana chi andat de su 01/10/2020 a su 15/01/2021.
Sa delìbera giait is indiritzus a su dirigenti comunali po fai is àutus netzessàrius po agiudai is eculìbrius econòmicus de is sugetus privaus chi ant atobiau dificultadis po mori de s'emergèntzia COVID-19. Si calincunu at giai pagau, su dinai s'at a cunsiderai comenti a antìtzipi po is mensilidadis afatantis a su 15 de gennarxu 2021."
“Sa mesura est stètia netzessària po agiudai is sotziedadis sportivas chi sighendi is diretivas de su guvernu po cumbati s'epidemia deCOVID-19, ant firmau is atividadis issoru – narat s’Assessora Maria Bonaria Zedda –. Tout is atividadis e prusatotu cussas sportivas castiant cun pensamentu grai a su bennidori.”.
“Sa Giunta Lutzu giai in sa serrada de beranu iat fatu una delìbera po dispensai is assòtzius sportivus de su pagamentu de is canonis in sa simana chi iant firmau is atividadis – sighit s’Assessora Zedda -. Cunsiderendi ca is istruturas immoi non megant a ddas imperai , eus ritènniu de cunfirmai custa mesura ascurtendi is rechestas de is sotziedadis.