Nova e fotografia de linkoristano.it
Babbu Natali at a tzerriai in WhatsApp is pipius de Mòguru. S'initziativa chi si narat “A su telèfunu cun babbu Natali” est cuncordada de s'assòtziu culturali ArTmadA, in collaboratzioni cun su Comunu.
Po mori de is normas contras a su coronavirus non s'ant a podi fai spetàculus de natali e duncas s'assòtziu ArTmadA at detzìdiu de intrai in deretura in is domus de is mogoresus arregallendi a is pipius una telefunada a videu cun Babbu Natali. S'apuntamenu est de lunis 21 de su mesi de idas a mèrcuris 23 de su matessi mesi de is 4 a is 8 de merì.
Po pigai parti a s'initziativa tocat a s'arregistrai mandendi una mail a associazioneartmada@gmail.com o cuntatendi s'assòtziu a telèfunu a is nùmerus 379 138 4454 (Luisanna), 340 455 4759 (Nicola) e 379 135 1206 (Mario). S'ant a depi comunicai su nòmini e s'edadi de su pipiu e de is famillairis. Est possìbili finas a mandai a s'assòtziu una literedda po babbu Natali.