![](https://image.jimcdn.com/app/cms/image/transf/dimension=362x1024:format=jpg/path/sa508afa0716a6b0f/image/i4b4d4a737a899853/version/1608116439/image.jpg)
S'assòtziu “Caccia Pesca e Tradizioni” Sardigna at donau a su "Hospice Angela Nonnis” de Aristanis duas tàulas eletrònicas po is òspitis de sa strutura. Gràtzias a is ainas tecnològicas, is arrecoveraus ant a podi non sceti telefonai a vìdeu e a si teni a cuntatu cun is parentis e amigus insoru, in custu tempus anca po nexi de su Covid, sa genti de foras non podit intrai, ma finas a si spreviai navighendi in internet.
Is tàulas eletrònicas ddas at intregadas a su personali de su "hospice", Marco Efisio Pisanu, responsàbili regionali de s’assòtziu, e Marcello Buttolu e Giuseppe Bernardino Carta, s'unu presidenti e s'àteru visu-presidenti provintziali.
Sa diretzioni de sa Assl e su personali de su "hospice" ant torrau gràtzias a s'assòtziu Cpt Sardigna po sa sensibilidadi ammostada cun su gestu de bonucoru, chi agiudat a arricai su progetu de Curas Palliativas residentzialis e territorialis chi in su tempus est pighendi forma gràtzias a sa solidariedadi de is tzitadinus.