![](https://image.jimcdn.com/app/cms/image/transf/none/path/sa508afa0716a6b0f/image/i80368e34b63a5bfd/version/1608105722/image.jpg)
Nova de L'unione Sarda.
Sa bia de prus importu de Biddobrana, s'at a torrai a fai de nou me in is mesis chi benint.
S'amministratzioni at aprovau su progetu po torrai a fai totu sa bia de Vitòriu Emanueli. Is traballus ant a cumentzai in su mesi de gennarxu e ant a interessai totu su tretu de sa strada provintziali 35 chi atrapassat sa bidda.
S'at a fai su mantu stradali nou, is marciapeis, s'impiantu nou de s'illuminatzioni pùblica e finas is sutaservìtzius po interrai is lìnias de sa luxi. Po fai totu custus traballus sunt a disponimentu prus o mancu 570 milli èurus (196 milli ndi benint de unu finantziamentu regionali e totu s'àteru de su bilàntziu comunali).
"Fiamenti - narat su sìndigu Paolo Pireddu 36 annus - passaus annus de dificultadis e strobus de burocratzia, is traballus podint cumentzai. A s'acabbu de custus traballus, àteras novidadis ant a agiudai s'amministratzioni a gestiri s'illuminatzioni pùblica e ant a amellorai sa bisura de sa via printzipali; in prus s'ant a permiti de fai marciapeis sigurus e praxilis po is tzitadinus de Biddobrana".